• Obradoiros de preparación de cadernos, un taller polo Día Mundial do Alzhéimer ou tardes de bingo, entre as actividades máis destacadas.
O novo centro cívico do Concello de As Somozas acollerá esta semana a súa segunda semana de programación cultural.
O mércores 21 de setembro, de 11:00 a 12:00 horas, terá lugar unha sesión do taller con motivo do Día Mundial do Alzhéimer, dirixido a maiores de 50 anos Pola tarde, de 17:00 a 18:00 horas, tempo de lecer, un punto de encontro onde compartir experiencias, para todos os públicos. O xoves 22 de setembro, de 17:00 a 19:00 horas, tarde de bingo. O venres 23 de setembro, de 11:00 a 12:00 horas, o taller de pintura ‘A túa primeira mandala’. De 19:00 a 20:00 horas, a charla de control parental dirixida ás familias, para coñecer os riscos os que se enfrontan os menores nas redes. E o sábado 24 de setembro, de 11:00 a 13:00 horas, ‘Mañás en familia’, unha actividade para aprender a facer un xogo de mesa, dirixida a familias con nenas e nenos de entre 5 e 10 anos.
Para todas as actividades, agás o bingo e o tempo de lecer do mércores, é necesaria a inscrición, que se pode facer no mesmo edificio ou chamando ao 881 04 84 66.