• Julio López confirma que esta Festa de Interese Turístico de Galicia volvera a os seus orixines e celebrarase o vindeiro 29 de maio
Desde o ano 1993 pódese gozar en Vila de Cruces, desta festa que enxalza este produto, co interese de promocionar un produto criado de maneira natural e en moito dos casos ao aire libre, por máis dunha vintena de produtores, unha festa gastronómica repleta de actividades culturais e musicais que logra multiplicar por 3 os seus habitantes. O segredo deste galo de curral radica na súa alimentación, xa que se cría unicamente con cereais, como millo, trigo e cebada, sen aplicar á súa alimentación ningún tipo de aditivos.
Está festa tivo que ser cancelada e cambiada de data debido ao Covid-19 rompendo unha tradición anual de celebrala no mes de maio. Pois o tenente de alcalde Julio López acaba de confirmar que tras reunirse cos seus compañeiros de goberno e decidiron celebrar a XXVIII Festa Gastronómica do Galo de Curral o vindeiro 29 de maio como era de costume.
Con este motivo o responsable de Cultura e tenente de alcalde Julio López ten previsto manter sendas reunións cos criadores de Galo de Curral, cos hostaleiros da zona e cos
colaboradores da que vai a ser a XXVIII Festa Gastronómica do Galo de Curral en Vila
de Cruces, o último domingo de maio que este ano cadra en día 29 para poder promover
estes produtos á máxima afluencia de visitantes e así volver a darlle o prestixio que se
merece esta festa gastronómica e reactivar a economía local.
Julio López avanzou que haberá grandes sorpresas, con actuacións con artistas de renome e para todos os públicos, nas que xa leva traballando varios meses na elaboración e continua cerrando a programación e confía que a mediados de este mesmo mes xa se poida elaborar o cartel para a súa presentación