O BNG de Vilagarcía estará maña martes, na rúa Alcalde Rey Daviña, recollendo alegacións contra a implantación dunha fábrica de produción de pasta de celulosa no concello de Palas de Rei e que afectará á nosa Ría. A recollida será de 11:00 h. a 13:00 h..
Desde o Bloque Nacionalista Galego manifestamos o noso rexeitamento a este proxecto, non só pola súa agresión medio ambiental, se non tamén polos efectos negativos nas actividades socioeconómicas.
Para o BNG a instalación desta megafactoría provocaría a contaminación do ar e das augas do río Ulla, que desemboca na ría de Arousa, ocasionando graves consecuencias ao sector do mar.
É por iso, que desde o BNG organizamos unha mesa redonda o vindeiro xoves, 18 de abril, ás 20 h., na Sala de Conferencias do Auditorio Municipal de Vilagarcía. Contaremos coa participación de Olaia Ledo, responsábel da Comisión Nacional de Ecoloxismo do BNG; Bernardo Valdés, profesor de Economía Aplicada na USC; Serxio Núñez, activista e membro da Plataforma Santiso Vivo e que está moderado o acto por Manuel Domínguez, responsábel comarcal do BNG Salnés.