Home Pontevedra A Paradanta Concello de Covelo e Consellería de Medio Rural asinan o convenio de...

Concello de Covelo e Consellería de Medio Rural asinan o convenio de colaboración para a mellora do camiño Fondo de Vila en San Salvador de Prado

- Anuncio -

A Consellería licitará por un total de 48.398,25 € a pavimentación de camiños municipais en Fondo de Vila e Camiño da Fontiña

O Concello de Covelo e a Consellería do Medio Rural formalizan un convenio de colaboración para realizar o proxecto “Pavimentación de camiños municipais en Fondo de Vila, Prado” de titularidade do concello de Covelo e destinada ao uso público.

O alcalde, Pablo Castillo, e a conselleira de Medio Rural, Inés Santé, asinaron o convenio que posibilita que Medio Rural asuma a realización das obras sinaladas con cargo aos seus orzamentos, correspondéndolle en exclusiva a súa licitación ou encargo, tramitación e dirección. Pola súa banda o Concello deberá realizar as xestións oportunas e aportar os terreos precisos para unha boa execución das obras.

Deste xeito a Consellería licitará por un total de 48.398,25 € a pavimentación de camiños municipais en Fondo de Vila e Camiño da Fontiña. Unha vez realizada as obras o Concello de Covelo asumirá o mantemento e conservación deste tramo.

Co obxectivo de mellorar os servizos públicos no rural e facilitar o día a día das persoas, Concello e Consellería posibilitarán condicións de viabilidade óptimas neste camiño renovando a rodadura e a drenaxe.

Actualmente este tramo conta cun formigón de pouco espesor deteriorado, con zonas de aglomerado, moitas fochancas provocadas polas correntes de auga subterráneas das leiras lindantes e con sumidoiros que non recollen a auga acabando por discorrer pola superficie.

Ao longo dun mes executaranse traballos de limpeza de beiravías e cunetas, drenaxes para a recollida de augas subterráneas, demolición e pavimentación. Para isto instalaranse canaletas con rellas de fundición, arquetas e salvacunetas, novas tubaxes para a condución de augas, rego de adherencia e tarefas de demolición en cruces e entradas para a súa posterior pavimentación, entre outros traballos. Ademais, ao remate pintaranse as marxes de todo o camiño para mellorar a seguridade viaria.

Máis de vinte fogares beneficiaranse da execución destas obras que permiten un acceso e tránsito máis seguro e cómodo.

Relacionadas

A Deputación concede preto de 34.000 euros ao Concello do Rosal para a adquisición...

0
Trátanse de recursos do Plan Extraordinario de Infraestruturas Deportivas que distribuíron xa máis de 1,7 millóns de euros entre 28 concellos da provincia de...

A Deputación aproba máis de 30.000 euros para que o Concello da Lama mellore...

0
Estes recursos enmárcanse no Plan Extraordinario de Infraestruturas Deportivas que xa mobilizou máis de 1,7 millóns de euros entre 28 concellos da provincia de...

A Deputación celebra o Día do Libro cun contacontos e diversas propostas dixitais para...

0
O ilustrador Marc Taeger e o contador de contos Caxoto serán os encargados da actividade que se celebrará o vindeiro martes 23 de abril,...

A Oficina de Turismo de Redondela e o Meirande abren as súas portas

0
Redondela comeza oficialmente a temporada turística coa apertura da súa Oficina de Información, na rúa Isidoro Queimaliños, e do centro de interpretación da Batalla...

O concello de Nigrán entra no Grupo Asesor de Unicef-España a través de Cayetana...

0
Estes dous representantes do Consello Escolar Municipal foron seleccionados xunto a outros 3 de Galicia (Moaña, Ponteareas e Teo) para formar parte do grupo...

A terceira edición da Feira do Libro de Soutomaior chega pisando forte con 3...

0
Este ano, por primeira vez, esta cita tamén se vaia a celebrar na parroquia de Soutomaior. Deste xeito o 23 de abril centrará o...

Publicacións Relacionadas