Os Comandos Cova de Cova Terreña e Rochas Violetas do IES Primeiro de Marzo uníronse nesta xornada moderada por Chus Oliveira, recoñecida figura en educación e igualdade, e a súa “discípula” Priscila Retamozo. Ademais, contamos coa grata presenza da concelleira de Igualdade do Concello de Baiona, Sheila González Martíns.
A concelleira baionesa dió a benvida a todos os comandos participantes. Na súa intervención destacou “a importancia destas iniciativas nas que a mocidade, a nosa xeración futura, está fortemente implicada e involucrada na loita pola igualdade e prevención da violencia de xénero”. González Martíns finalizou a súa participación sinalando o “compromiso e o apoio do Concello de Baiona por este tipo de iniciativas”.
Neste espazo de intercambio, Naiala e María de Rochas Violetas presentaron o evento, onde se abordaron experiencias e problemáticas relacionadas coa igualdade que enfrontan os mozos nos seus centros educativos.
Ademais, cada comando participante compartiu brevemente as accións que están a levar a cabo nos seus respectivos centros inspirando a todos co seu compromiso e dedicación
