O concelleiro do Partido Popular de Pontevedra Guille Juncal rexistrou unha proposta que defenderá no próximo Pleno municipal sobre a ampliación e potenciación do programa municipal Noites Abertas
O obxectivo é fomentar, durante todo o ano, ofertas de lecer para a poboación nova, “afastándoos doutras actividades menos recomendables e prexudiciais para a saúde e favorecendo a súa desenvolvimiento persoal e social”
O concelleiro do Partido Popular Guille Juncal presentou este luns unha proposta que defenderá no próximo Pleno municipal sobre a celebración en horario nocturno de actividades lúdicas para mozas da cidade. Aínda que agora mesmo o Concello organiza as mesmas durante só dous ou tres meses ao ano, Juncal propón a ampliación do plan municipal e que pase a realizarse durante todo o ano, facéndoo compatible con outros programas de parecido obxectivo.
Por iso, Juncal propón dous períodos: o primeiro, todos os venres e sábados de febreiro a xullo, e o segundo, todo os venres e sábados de outubro a decembro. “O obxectivo desta proposta non é outro que o de fomentar, durante todo o ano, ofertas de lecer para a poboación nova e así afastalos doutras opcións menos recomendables e prexudiciais para a súa saúde, favorecendo a súa desenvolvimiento persoal e social e potenciando hábitos saudables entre eles”, destacou Juncal.
O popular fixo referencia á celebración do botellón na cidade, nun espazo habilitado polo propio Concello e que conta con presenza de menores: “Debemos habilitar todos os mecanismos posibles para que erradicar, na medida do posible, esta práctica”.
O concelleiro suxeriu a celebración dunha convocatoria previa á celebración para que colectivos, asociacións, entidades e empresas do sector manifesten o seu interese en participar e organizar diferentes actividades e, a maiores, “participen na elaboración e deseño do programa”.
Coa programación resultante, Juncal asegurou que se favorecerá “o desenvolvemento persoal e social dos mozos, o achegamento aos mesmos de novas propostas artísticas, o acceso a alternativas de lecer, así como a implicación do tecido asociativo e empresarias de Pontevedra coa realización de convenios de colaboración”.