Home O Salnés Meis Marta Lucio denuncia irregularidades nos contratos, a existencia de 34 reparos de...

Marta Lucio denuncia irregularidades nos contratos, a existencia de 34 reparos de Intervención e a “nefasta xestión económica” para pechar 2023 cun déficit de 696.075€

- Anuncio -

● A voceira municipal do PP alertou no pleno dos “demoledores informes” dos servizos técnicos municipais sobre as contas, xa que non se cumpre a estabilidade orzamentaria e se advirte da necesidadede volver pola senda do cumprimento coa adopción de medidas para este ano


● A concelleira revela que Intervención lamenta a falla dun Plan de Control Financeiro, os incumprimentosen materia de persoal coa contratación de temporais, o abuso dos contratos verbais e menores e o encargo de servizos sen cobertura orzamentaria, “o que nos leva ao abismo”


● Lamenta que o goberno socialista aposte pola suba da taxa de recollida do lixo e, sobre todo, que prepare un incremento do 20% do IBI para o vindeiro ano despois de que quedara fóra de prazo para este exercicio

A voceira municipal do PP de Meis, Marta Lucio, lamentou no pleno celebrado onte á noite a “mala situación económica” na que está inmerso o Concello por mor da “nefasta xestión económica” do goberno socialista de Marta Giráldez, xa que, entre outrascuestións, liquidou o orzamento do ano 2023 con 696.075 euros de déficit.

A concelleira popular alertou ante a corporación dos “demoledores informes” dos servizos técnicos municipaisde Intervención sobre as contas, que se coñeceron na sesión de onte, posto que os ingresos foron 419.026 euros máisbaixos que os gastos, “o que deixa ben claro o derroche e a dilapidación dos recursos públicos”, e a maiores hai que engadir 278.918 euros de axustes, xa que o executivo socialista está incorporando facturas de anos anteriores e adianto outras para os exercicios posteriores.

Por todo elo, o Concello no cumpriu co principio de estabilidade orzamentaria en 2023 “e só nos libramos da aplicación dun plan de axuste pola suspensión das regrasfiscais” por parte do Goberno de España durante os últimos tres anos, pero a voceira popular advertíu, como sinala a Intervención Municipal, da necesidade de volver pola senda do cumprimento, coa implantación das medidas oportunas, no que se refire á estabilidade orzamentaria e a regra de gasto neste 2024.

Por outra banda, Marta Lucio tamén engadíu que as conclusións de Intervención son especialmente “duras coa realidade do Concello de Meis”, posto que non se dispón dun Plan Anual de Control Financeiro, carécese de ordenanza para cuestións como as festas ou a ludoteca, haiflagrantes incumprimentos e fraudes de lei na contratación de persoal apostando polos temporais e sen incluír esas prazas na Oferta de Emprego Público e abúsase dos contratos verbais e menores chegando a facer encargos en cobertura orzamentaria.

“A xestión do PSOE estanos a levar ao abismo”, lamentou a concelleira popular, que revelou que os servizos técnicos municipais impuxeron 34 reparos durante o ano pasado principalmente en facturas, indemnización e nóminas polo abono indebido de produtividades, recoñecementosextraxudiciais de crédito ou xustificación de subvencións.

“Con este descontrol, con esta mala planificación e con todas estas irregularidades coas que pretenden manexar o Concello como o seu cortijo, pois a situación económica e o funcionamento de Meis están no seu peor momento”, detallou Lucio, que lembrou que a consideración de que o Concello é como a sede do seu partido “ata foi admitida pola propia alcaldesa cando revelou que se reuníu con José Aspérez, dos independentes de Meaño, por cuestións do goberno da Mancomunidade na propia casa consistorial”.

Finalmente, a voceira do PP tamén criticou a suba da taxade recollida de lixo e limpeza aprobada polos socialistas no pleno “coa súa técnica habitual de pasar o rodillo e de xustificala na necesidade de pagar o servizo cando en realidade é para pagar os seus pufos e a súa mala xestión”, pero sobre todo alertou da súa intención de aprobar para o vindeiro ano 2025 unha suba do Imposto de Bens Inmobles (IBI) do 20% despois de que non puideran acometela nesteexercicio ao quedar fóra de prazo.

Relacionadas

Os Concellos de Mondariz Balneario, Mondariz e Pazos de Borbén reciben unha subvención para...

0
O Concellos de Mondariz Balneario, Mondariz e Pazos de Borbén obtiveron de una subvención de 7.630,00 € destinada a redacción de proxectos de planificación...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Comezan os traballos de roza nos camiños municipais de Cesantes e Chapela

0
- A empresa adxudicataria do contrato, Naturgalia, comezou a pasada semana os traballos de roza e limpeza en Cesantes. Mañá martes comezarán a limpeza...

Publicacións Relacionadas