Un ano máis, e co gallo do nacemento da autora máis representativa da lingua e literatura galega, o BNG de Vilagarcía de Arousa organiza a tradicional homenaxe a Rosalía de Castro en Carril.
Para o BNG é imprescindible a difusión do coñecemento da súa obra para as galegas e os galegos, en especial para as xeracións máis novas que colectivamente contribuímos a coeducar, sendo a súa palabra feita poesía ou prosa reflexiva un dos procedementos máis eficaces para fomentar o amor á nosa lingua e comprender a nosa identidade cultural.
Por estos motivos, e para homenaxear a súa figura, o BNG de Vilagarcía anima á cidadanía a participar na lectura pública da súa obra e na ofrenda floral a partir das 12:30 h. diante do busto de Rosalía en Carril o domingo 25 de febreiro