test
Home Pontevedra O Salnés O BNG de Sanxenxo esixe a Telmo Martín que recupere o servizo...

O BNG de Sanxenxo esixe a Telmo Martín que recupere o servizo de conciliación no verán que el mesmo eliminou hai varios anos

- Anuncio -

Os nacionalistas inciden na necesidade deste servizo, que antes da súa  supresión por parte do Partido Popular ofertaba 100 prazas para nenos e nenas  de diferentes idades 

Fran Leiro carga contra o Goberno local, a quen acusa de “querer recadar cartos  a base de subas de impostos só para pagar soldos máis altos e manter a política  de cemento do señor Martín” 

O grupo municipal do Bloque Nacionalista  Galego (BNG) de Sanxenxo insta a Telmo Martín a que recupere o programa  ‘Paifillonai’, a ludoteca de verán, dirixida a nenas e nenos de idades  comprendidas entre os 3 e os 12 anos, que ten coma obxectivo facilitar e  garantir a conciliación da vida familiar e laboral da veciñanza. Os  nacionalistas inciden na necesidade de volver a activar unha prestación que o  propio Telmo Martín suprimiu hai xa máis dun lustro, sen dar ningún tipo de  explicación. “Estamos a falar dun servizo que é indispensable para moitas  familias de Sanxenxo, nunha época estival na que unha gran proporción da  nosa poboación traballa e vive de sectores como a hostalería, a restauración e o  turismo en xeral”, sinala o voceiro do Bloque, Fran Leiro. 

O concelleiro do grupo da oposición critica que o Goberno do Partido Popular  deixase a centos de familias sen un servizo tan importante como o da 

conciliación. “É un feito especialmente grave e que sobre todo afecta a un gran  número de nais e mulleres do noso concello, a quen o alcalde castiga con esta  xestión tan lamentable. A conciliación é unha prestación básica que o Concello  debe ofrecer á cidadanía, algo que ao señor Martín parece non importalle  demasiado”, declara Fran Leiro, que sinala que “se Sanxenxo é un referente  turístico de primeiro nivel tamén ten que estar á altura no que respecta á  conciliación. Estámonos achegando ao verán e faise necesario un programa  coas prazas suficientes para dar resposta a esta demanda da nosa veciñanza”,  engade. 

Leiro lembra que o ‘Paifillonai’ prestaba este servizo no CEIP Portonovo durante  o período estival. “Funcionou moi ben, como demostra o feito de que nos  últimos anos do programa, co tripartito no Goberno e coa xestión da área de  Benestar Social que realizou a nosa compañeira Sandra Fernández Agraso,  cubríanse sempre o 100% das prazas ofertadas”, recorda o voceiro nacionalista.  “A Telmo Martín gústalle presumir de potencial turístico, pero despois esquece  ofrecer servizos á altura do que precisan os veciños e veciñas de Sanxenxo”.  Neste sentido, ao BNG parécelle de moita gravidade a merma de servizos  básicos por parte do Goberno local desde o retorno de Telmo Martín á Alcaldía.  “A política de recadación a través de subas de impostos e os intentos de  aplicación de novas taxas, como o ‘decretazo’ dos vados, vai destinada  exclusivamente a poder pagar o incremento dos soldos do equipo de Goberno e  todo o formigón e cemento que tanto caracteriza ao señor Telmo Martín e que  xa nos costou millóns de euros en sentenzas xudiciais”, conclúe Fran Leiro. 

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas