Home Pontevedra O BNG pide máis persoal e ampliar horarios para rematar coa precaria...

O BNG pide máis persoal e ampliar horarios para rematar coa precaria situación dos museos de Vigo

- Anuncio -

No Día Internacional dos Museos, a fronte nacionalista lamenta a ausencia dun proxecto museístico e cultural pola “falla de ambición e o desleixo” do Goberno de Abel Caballero

Ana Martínez: “Nun concello co orzamento máis alto da súa historia temos os museos cun funcionamento totalmente precarizado e cuns horarios ridículos”

O Bloque Nacionalista Galego pide reforzar o persoal e ampliar os horarios dos museos de Vigo para rematar coa “precaria situación” na que se encontran. Co gallo do Día Internacional dos Museos, a fronte nacionalista lamenta a ausencia dun proxecto museístico e cultural na cidade por causa da “falla de ambición e o desleixo” do Goberno de Abel Caballero.

“Cunha dotación de edificios dedicados a museos que poderían constituír unha auténtica rede municipal, é lamentable que teñan este funcionamento totalmente precarizado”, denunciou a concelleira do BNG de Vigo, Ana Martínez, quen tachou de “ridículos” os actuais horarios considerando que tanto a dotación de persoal como o mantemento das instalacións son insuficientes para facilitar que a cidadanía visite as súas coleccións.


Nese sentido, criticou que o Museo Quiñones de León, “a xoia da nosa cidade”, só abra ao público 4 horas ao día de luns a venres e tan só 3 horas durante a fin de semana. Un museo cuxo padroado leva anos sen reunirse malia ser o organismo rector. Do mesmo xeito coa Pinacoteca ou a Casa Galega da Cultura, ambas en pleno corazón da cidade, tan só abertas 3 horas en días laborábeis, 5 os sábados e 2 horas os domingos.


Dende o Bloque cuestionaron tamén a decisión do Goberno municipal de manter o Arquivo Pacheco “confinado e invisibilizado” e lamentaron que “deixase morrer” o proxecto de Museo Galego da Fotografía. “Todo isto nun concello co orzamento máis alto da súa historia e que deixa todos os anos sen gastar arredor de 150 millóns de euros que é incapaz de dotar de persoal os seus museos”, afeou Martínez.

“O Goberno non ten proxecto cultural”

A concelleira nacionalista lamentou así a “ausencia dun proxecto museístico e dun proxecto cultural para a cidade” por parte do Goberno local, que mantén os museos funcionado de forma inconexa, sen ningún plan de promoción e difusión nin tampouco un programa de formación dirixido aos centros de ensino de Vigo. “É habitual que os rapaces e as rapazas de Vigo coñezan antes os museos da Coruña, que organizan visitas escolares, que os da súa propia cidade”, salientou.

Por estes motivos, dende o BNG chamaron o Goberno municipal a ter máis “ambición” para que a rede de museos sexa tamén “motor de creación”. Martínez propuxo que se destinen como espazos para residencias artísticas e premios que fomenten as vocacións creadoras e atraian artistas da nosa contorna. “Auténticas fábricas culturais, garantes do dereito á cultura artística da nosa veciñanza”, defendeu. 

Relacionadas

Os Concellos de Mondariz Balneario, Mondariz e Pazos de Borbén reciben unha subvención para...

0
O Concellos de Mondariz Balneario, Mondariz e Pazos de Borbén obtiveron de una subvención de 7.630,00 € destinada a redacción de proxectos de planificación...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Comezan os traballos de roza nos camiños municipais de Cesantes e Chapela

0
- A empresa adxudicataria do contrato, Naturgalia, comezou a pasada semana os traballos de roza e limpeza en Cesantes. Mañá martes comezarán a limpeza...

Publicacións Relacionadas