test
Home Vigo Nigrán O Concello de Nigrán colabora un ano máis coa Federación Alcer Galicia...

O Concello de Nigrán colabora un ano máis coa Federación Alcer Galicia para desenvolver o encontro de persoas con enfermidade renal

- Anuncio -

Desenvolverase do 17 ao 19 de maio na Residencia de Tempo Libre de Patos e o Concello proporcionará actividades de ocio para os máis pequenos, unha viaxe a Cíes ou os desprazamentos para diálese

O Concello de Nigrán colabora un ano máis coa Federación Alcer Galicia para desenvolver o encontro de persoas con enfermidade renal de Galicia do 17 ao 19 de maio na Residencia de Tempo Libre de Patos. Concretamente, o Concello de Nigrán financiará os desprazamentos necesarios para diálese, unha viaxe a Cíes o sábado 18 para os doentes e as súas familias (50 en total) e as actividades de ocio do domingo 19, ás que asistirán 8 menores de toda Galicia e que consistirá nun roteiro guiado pola natureza, unha clase de ximnasia a cargo dun técnico de deportes trasplantado de ril e, pola tarde, 8 menores acudirán a un coñecido parque de camas elásticas do municipio.

“O noso lema de bo goberno é ‘Un Nigrán para todos’, así que para nós é moi importante que se sitan cómodos e perfectamente atendidos durante a súa estancia no municipio. Temos xa moita experiencia coa realización de actividades adaptadas e estamos moi orgullosos de poder proporcionarllas”, explica o alcalde de Nigrán, Juan González, doante precisamente dun ril ao seu fillo no ano 2017.

As persoas con enfermidade renal crónica teñen moi limitadas as posibilidades de lecer debido ás diferentes formas de tratamentos que necesitan. A limitación máis importante é o desprazamento a outras zonas pola súa dependencia de asistencia sanitaria continua, por iso desde 1982 a Federación Nacional de Asociacións para a Loita Contra a Enfermidade Renal (Alcer) proporciona este programa de vacacións adaptadas ás súas necesidades, sendo este o seu terceiro ano en Nigrán.

“Estamos moi orgullosos de que elixan Nigrán por terceiro ano consecutivo e desde o Concello estaremos sempre encantados de poder achegar o noso gran de area para que o encontro resulte inesquecible e non deixen de repetir”, resume González.

Relacionadas

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Historias sen fin co andel dos libros libres do Rosal

0
O Concello pon en marcha unha iniciativa que busca promover a lectura poñendo a disposición da veciñanza libros de todo tipo de balde Un estante...

O que queren para outras vilas, non o queren para Marín

0
Sobre o estacionamento e a mobilidade urbana  Últimamente, non saímos do noso asombro. Como Goberno local, consideramos que hai que traballar para que unha vila...

O BNG denuncia o “colapso” no hospital de día de oncoloxía do Álvaro Cunqueiro...

0
A fronte nacionalista reclama á Xunta que reforce o servizo para poñer fin ás demoras na atención e para evitar que as persoas doentes...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

Publicacións Relacionadas