A corporación aprobou por unanimidade no Pleno ordinario de hoxe presentar a candidatura oficial do municipio para ser distinguido por Unicef este ano como ‘Ciudad Amiga da Infancia’
O alcalde comunicou no Pleno a denuncia do PP ao TACGAL que obriga a tramitar a contratación do lixo novamente. “Presentaremos por terceira vez os pleglos e o faremos as veces que faga falta ata que saían adiante, porque o que non ímos consentir é que o PP e a Xunta nos deixen cun contrato obsoleto que prexudica a toda a cidadanía e aos traballadores”, expón González
O Concello de Nigrán aprobou por unanimidade no Pleno ordinario de hoxe presentar a candidatura oficial do municipio para ser distinguido por Unicef como ‘Ciudad Amiga da Infancia’. O Concello de Nigrán, tras anos de intenso traballo, está xa oficialmente a un só paso de obter esa declaración tras serlle outorgado o ano pasado unha disposición transitoria que sinalaba en Galicia a Nigrán, Burela e Viveiro entre os 25 novos municipios de toda España candidatos oficiais a obter o selo CAI (concedido de xeito bianual, cunha vixencia de 4 anos, e que na nosa Comunidade dispoñen actualmente Moaña, Moeche, Redondela, Teo e Tomiño, sumando en todo o país 301 entidades locais). Desde esta disposición, a Concellería de Educación, a cargo de Estela Pérez, ven implementando o ‘Plan Local de Infancia e Adolescencia’. Esta distinción a outorga UNICEF España, xunto co Ministerio de Juventud e Infancia, a Federación Española de Municipios y Provincias e o Instituto Universitario de ‘Necesidades y Derechos de la Infancia y la Adolescencia’ a aqueles que superen un duro proceso de avaliación.
“O selo non se consigue nun día. Levamos anos de traballo para cumplir con todos os requerimentos esixidos e aspiramos a obtelo definitivamente a finais deste ano”, explica González, quen aclara que, precisamente, o obxectivo é promover o desenvolvemento, mellora e innovación continua nas políticas de infancia e adolescencia no ámbito local (por esta razón, o Concello creou no 2021 o Consello de Participación Infantil e Xuvenil do Concello de Nigrán).
Contrato do servizo de recollida de residuos
Por outra banda, o alcalde de Nigrán, Juan González, comunicou ante o Pleno o resultado do recurso do PP ao TACGAL sobre os plegos de contratación do servizo de recollida de residuos, limpeza viaria e praias e que obriga a reformulalos novamente. Estes xa foran denunciados polo PP en novembro de 2023, cando se presentaron ao pleno por vez primeira, rexeitando o TACGAL o seu recurso pero admitindo nesa ocasión o da CIG. “Agora este órgano administrativo, non xudicial, con nomeamentos a dedo a cargo do presidente, Alfonso Rueda, volve a paralizalo por un recurso do seu partido. Pois non ímos parar, presentaremos por terceira vez os pleglos e o faremos as veces que faga falta ata que saían adiante, porque o que non ímos consentir é que o PP e a Xunta nos deixen cun contrato obsoleto, vencido xa, e que prexudica a toda a cidadanía e aos traballadores”, expón González, quen engade que os tres aspectos que agora pide correxir o TACGAL é incluir a recollida orgánica máis alá dos grandes produtores, ademais de os aceites e o textil. “O propio contrato xa inclúe os orgánicos nos establecementos comerciais e indica que durante a súa vixencia se estableza este quinto contedor para a veciñanza que, de momento, non é obligatorio. En canto á recollida de textil e aceite, temos ONG como Cáritas e o que o están a facer gratuítamente para o Concello e ás que non queríamos prexudicar, pero lamentablemente teremos que prescindir delas e, o que pior, todo iso hai que repercutilo no orzamento final da contratación, polo que este subirá”, explica o rexedor, quen recoñece que desde que chegou a resolución estase a traballar no Concello para emenda-los plegos. “Non pararemos ata que sexa imposible que o TACGAL os tombe grazas ás sucesivas denuncias que, estamos seguros, o PP irá poñendo. É moi triste que os pregos do lixo máis técnicos e transparentes na Historia deste Concello sexan recurridos unha e outra vez por un PP que prima os intereses do seu partido por riba da cidadanía e dos traballadores”, finaliza.
