Home Vigo Nigrán O concello de Nigrán entra no Grupo Asesor de Unicef-España a través...

O concello de Nigrán entra no Grupo Asesor de Unicef-España a través de Cayetana e Martín, alumnos ambos do IES Val Miñor

- Anuncio -

Estes dous representantes do Consello Escolar Municipal foron seleccionados xunto a outros 3 de Galicia (Moaña, Ponteareas e Teo) para formar parte do grupo integrado por 57 nenos e nenas de toda España

Reuniranse online unha vez ao mes para deseñar actividades de Unicef e participar en estudos ou accións de promoción dos dereitos da infancia

A maiores, Cayetana asistirá este luns 22 de abril nun acto no Congreso dos Deputados organizado por ‘Plataforma Infancia’

O Concello de Nigrán conta desde este mes con dous representantes no Grupo Asesor de Participación Unicef-España tras ser aceptadas as candidaturas de Martín Rey Álvarez e Cayetana Guede Bernárdez, alumnos ambos do IES Val Miñor e integrantes do Consello Escolar Municipal desde a súa orixe. Este logro destaca o talento de ámbolos dous, estudantes de excelencia, con gran compromiso social, e que xa falaran ante o Parlamento galego con motivo do Día Mundial da Infancia. Xunto a 3 representantes máis de Moaña, Ponteares e Teo, levarán a voz de Galicia a este grupo de traballo composto por 57 nenos e nenas de toda España. A maiores, Cayetana estará este luns 22 de abril no Congreso dos Deputados como unha das 8 crianzas de todo o país portavoces nun acto organizado pola ‘Plataforma Infancia’ á que pertence Unicef.

“Para o Concello de Nigrán é un orgullo que seleccionasen a Cayetana e Martín e sabemos que a súa presencia enriquecerá moitísimo a este grupo de traballo porque son persoas con moitas inquezandas e que sempre teñen propostas constructivas de cara a facer efectivos os dereitos da infancia”, explica o alcalde, Juan González, quen agarda que este sexa un paso máis de cara a que o Concello de Nigrán sexa distinguido co selo CAI (‘Cidade Amida da Infancia’ ) este mesmo ano. De feito, o goberno local mantén moi activo o Consello de Participación Infantil e Xuvenil’, órgano municipal creado no ano 2021 e que se reúne cada 15 días para, precisamente, situar na axenda local os verdadeiros intereses e necesidades de cativos e adolescentes, xa que a través del poden participar na vida política de Nigrán realizando propostas, seguindo as mesmas, pedindo información, etc

Un dos requerimentos para formar parte deste grupo asesor ao que Cayetana (1º da ESO) e Martín (2º de Bacharelato) presentaron a súa candidatura era ter un mínimo de 12 anos e 2 anos de experiencia no eido da participación infantil. Agora, co seu traballo búscase asegurar que as voces, ideas e propostas dos nenos, nenas e adolescentes sexan escoitadas e tidas en conta no Congreso dos Deputados, Parlamentos, elaboración de leis e noutros espazos… Ademais, en colaboración estreita con UNICEF España, confeccionarán e avaliarán as actividades e programas da organización de cara a que reflictan as necesidades, inquedanzas e aspiracións da infancia e adolescencia a nivel nacional. Para elo, este grupo reunirase online unha vez ao mes.

UNICEF- Selo CAI

O programa CAI foi creado por Unicef Comité Español en 2001 co propósito de promover a aplicación da Convención dos Dereitos do Neno (CDN) en pobos e cidades da xeografía nacional, forma parte á súa vez da Iniciativa Cidades Amigas da Infancia, liderada por Unicef Internacional desde o ano 2000 e no que colaboran gobernos nacionais, administracións locais, ONG… En Galicia hai 10 municipios que xa o teñen (en Pontevedra son Redondela, Porriño e Tomiño).

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas