test
Home Vigo Nigrán O Concello de Nigrán insta ao Parlamento a que tramite de xeito...

O Concello de Nigrán insta ao Parlamento a que tramite de xeito urxente unha proposición de lei que garanta a vida digna das persoas con ELA

- Anuncio -

María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e achegados, que asistiron como público

Os enfermos, as súas familias, as súas asociacións e entidades colaboradoras, teñen feito un exercicio exemplar de dignidade, de superación e de valoración da vida: é a hora de que os poderes públicos nos poñamos á súa altura”, conclúe a moción aprobada

O Pleno do Concello de Nigrán aprobou esta mañá unha declaración institucional a proposta do goberno local reclamando ao Parlamento que tramite de xeito urxente e preferente unha proposición de lei que garanta a vida digna das persoas con ELA (esclerose lateral amiotrófica), ademais de comprometerse o Concello a prestar especial atención aos doentes e os seus dereitos. Esta petición resultou especialmente emotiva no seo da Casa Consistorial, xa que foi lida por María Jesús Seoane, ‘Susi’, traballadora do Concello ata o ano 2021 no que lle diagnostican a enfermidade e actual vicepresidenta da AGAELA (Asociación Galega de Afectados de Esclerose Lateral Amiotrófica). Por este motivo, os seus ex-compañeiros e achegados encheron o Salón de Plenos para acompañala durante a súa exposición pública e, xunto á corporación, brindarlle unha gran ovación ao concluír a argumentación. Susi Seoane, xunto ao ex-futbolista Juan Carlos Unzué, defendeu en febreiro ante un Congreso tristemente valeiro de deputados esta mesma reivindicación.

A ELA a día de hoxe non ten cura, sendo unha enfermidade neurodexenerativa na que se produce unha parálise progresiva que termina afectando á mobilidade, deglución, respiración ou capacidade motora, mentras que a capacidade cognitiva se mantén. A esperanza de vida desde o diagnóstico é de 3 a 5 anos, por iso resulta imprescindible para os seus doentes e as súas familias que esta proposición de lei se tramite de xeito urxente e permita aspectos como axilizar as axudas da lei de dependencia e non ter que agardar 8 meses a súa concesión, así como que se lles recoñeza desde o inicio unha dependencia total sen ter que pasar por sucesivos tribunais médicos, así como protexer aos coidadores, usualmente mulleres da familia, para que poidan cotizar á Seguridade Social. En definitiva, que se lles garanta unha vida digna.

O goberno de Nigrán, mediante a aprobación desta moción, invita a todos os municipios galegos a que se unan a esta reivindicación e amosen publicamente o seu apoio ao colectivo de afectados pola ELA. “Os enfermos, as súas familias, as súas asociacións e entidades colaboradoras teñen feito un exercicio exemplar de dignidade, de superación e de valoración da vida: é a hora de que os poderes públicos nos poñamos á súa altura”, conclúe.

Relacionadas

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

A Deputación ten aberto ata o mércores 3 de xullo o prazo para presentar...

0
Por vez primeira a institución provincial premiará os mellores proxectos da provincia a favor da igualdade de xénero e contra a violencia machista, que...

A Deputación presenta este martes no edificio do Arquivo a publicación “Xulio Gil. Insercións”

0
A presentación terá lugar ás 19:30 horas e contará coa participación do vicepresidente provincial Rafa Domínguez A Deputación presenta este martes, 25 de xuño, ás...

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Publicacións Relacionadas