O Concello de Nigrán ofrece este mércores 1 de maio ás 19:00 horas no Auditorio Municipal o concerto da Banda de Acordeóns Metropolitana. A entrada é de balde ata completarse o aforo. Trátase dunha corentena de acordeonistas de toda a comarca con idades comprendidas desde os 12 ata os 80 anos e dirixidos por Juan Bande, quen a fundou no ano 2019. O seu repertorio vai desde cancións populares a versións de temas actuais ou de décadas pasadas.