test
Home Pontevedra Caldas O concello de Portas conmemora o mes das Letras Galegas cunha actuación...

O concello de Portas conmemora o mes das Letras Galegas cunha actuación da eurovisiva galega Lucía Pérez

- Anuncio -

Estará no Auditorio da Azucreira o domingo 26 de maio ás 19:30 horas e conta coa colaboración do programa +Música da Deputación de Pontevedra

A cantante eurovisiva galega Lucía Pérez actuará o vindeiro domingo 26 de maio, ás 19:30 horas, na Azucreira de Portas dentro das actividades deseñadas polo Concello para conmemorar o Mes das Letras Galegas. Esta actuación conta co colaboración do programa +Música da Deputación de Pontevedra e permitirá que o público poida contemplar ao concerto de xeito gratuíto ata completar o aforo.

O Concello de Portas conmemora o Día das Letras Galegas, que este ano está adicado á escritora e poetisa Luísa Villalta, con diversas actividades culturais que se desenvolven ao longo do mes de maio e que teñen como actividade máis salientable a celebración dun concerto da cantante galega Lucía Pérez que está facendo unha xira por toda España e que terá o 26 de maio a oportunidade de actuar ante os veciños e veciñas de Portas e a súa contorna.

Lucía Pérez é unha cantante moi coñecida en Galicia e en España xa que no ano 2005 logrou o premio “Disco-Pop de Solistas de Galicia”, e a finais dese mesmo ano, o lanzamento do seu segundo álbum, “O Tempo Dirá…”, coincide coa súa designación para representar a España no Festival de Viña do Mar, coa canción “Que faría contigo”, que obtén o segundo lugar entre as tres finalistas. No 2006 leva a cabo a súa segunda viaxe a Chile e Arxentina, actuando entre outras cidades como Valparaiso, Viña do Mar, Santiago de Chile, Buenos Aires e Rosario.

En febreiro de 2009, participa por segunda vez no Festival de Viña do Mar coa canción “Este amor é teu”, realizando diversas actuacións nese país. Nos primeiros meses do ano 2010 realizou a gravación do seu cuarto álbum, “Dígocho en galego”, o primeiro da súa carreira gravado integramente na súa lingua natal.

En febreiro de 2011, despois dun rigoroso proceso de preselección, foi elixida por voto popular como representante de España no Festival de Eurovisión, coa canción “Que me quiten o bailao”. Esta circunstancia lévaa a publicar un disco recompilatorio chamado “Cruzo os dedos” no que se inclúen os seus maiores éxitos. A súa participación no Festival fíxoa moi popular, realizando numerosos concertos, non só en España, senón noutros países como Inglaterra, Holanda, Portugal, Finlandia, Suíza ou Alemaña. En 2013 e 2014, Arxentina, México, Uruguai e Brasil son, entre outros, países onde actuou. Mentres, o seu álbum “Quitapenas” íase xestando, para ver a luz en xuño de 2014.

No ano 2018 chega o segundo álbum en galego “Quince Soles”, que celebra con 15 cancións os seus 15 anos no mundo da música. Nela colaboran artistas como Susana Seivane, Xabier Díaz, Vizcaíno, Chema Purón, Chenoa, Sito Sedes, Rosa Cedrón, Emilio Rúa e Tonhito de Poi.

Na actuación que realizará no Auditorio da Azucreira de Portas incluirá os seus grandes éxito así como os principais temas que encimaron a esta artista galega no panorama musical en España e no estraxeiro.

Relacionadas

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

A Deputación ten aberto ata o mércores 3 de xullo o prazo para presentar...

0
Por vez primeira a institución provincial premiará os mellores proxectos da provincia a favor da igualdade de xénero e contra a violencia machista, que...

A Deputación presenta este martes no edificio do Arquivo a publicación “Xulio Gil. Insercións”

0
A presentación terá lugar ás 19:30 horas e contará coa participación do vicepresidente provincial Rafa Domínguez A Deputación presenta este martes, 25 de xuño, ás...

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Publicacións Relacionadas