A Xunta retoma o luns os traballos de renovación do firme na autoestrada do Val Miñor

• Estas tarefas desenvolveranse do 15 ao 19 de setembro en horario diurno entre os puntos quilométricos 19+000 e 22+000 do tronco da autoestrada e no ramal de Nigrán
• Para levar a cabo estas actuacións serán necesarias afeccións a un carril, quedando habilitado para a circulación o outro carril
• Esta intervención dálle continuidade ás actuacións xa executadas nos pasados meses nesta estrada, supoñendo un investimento de máis de 150.000€
• Trátase de garantir a calidade e durabilidade dos pavimentos e contribuír a reforzar a seguridade viaria nesta contorna

A Xunta retoma o luns os traballos de renovación do firme na autoestrada do Val Miñor (AG-57).

Estas tarefas desenvolveranse entre os días 15 e 19 de setembro en horario diurno entre os puntos quilométricos 19+000 e 22+000 do tronco da autoestrada e no ramal de Nigrán.

Para levar a cabo estas actuacións serán necesarias afeccións a un carril, quedando habilitado para a circulación o outro carril.

Esta intervención, que conta cun investimento de máis de 150.000€, dálle continuidade ás actuacións xa executadas nos pasados meses nesta estrada.

De xeito máis concreto, os traballos consistirán no estendido dunha nova capa de rodaxe nunha superficie de 8.067 m², incluíndo as reparacións necesarias do firme e o selado de fisuras.

Esta campaña enmárcase nos traballos de conservación e mellora do firme que forman parte do contrato da Xunta coa concesionaria. Trátase de garantir a calidade, seguridade e durabilidade dos pavimentos e contribuír a reforzar a seguridade viaria nesta contorna.