A celebración, que este ano chega á súa XXVIII edición, terá lugar en Vilanova de Arousa ata o vindeiro domingo
Esta festa foi declarada de interese turístico galego no ano 2014.
A directora de Turismo de Galicia, Nava Castro, participou hoxe na apertura da Festa do mexillón e do berberecho en Vilagarcía de Arousa, celebración que conta co soporte da Xunta de Galicia para a súa promoción.
Como subliñou a directora de Turismo, o apoio á Festa do mexillón e do berberecho enmárcase no traballo do Goberno autonómico por impulsar os recursos diferenciadores de Galicia, entre os que resalta especialmente a enogastronomía.
“Desde Turismo de Galicia, poñemos en marcha iniciativas para incentivar a conservación da nosa tradición culinaria para poñela en valor, para difundila e internacionalizala co obxecto de promover unha das mellores cartas de presentación da nosa terra”, indicou Nava Castro neste sentido.