Esta iniciativa preventiva da Área Sanitaria de Pontevedra e O Salnés terá lugar durante a mañá do vindeiro domingo 30 de maio e durante a mañá e a tarde do luns 31 de maio
Vaise convocar, vía SMS telefónico, a arredor de 1.180 persoas de 30 a 39 anos e de 50 a 65 desta localidade, todos eles con tarxeta sanitaria asignada no centro de saúde
Os resultados negativos serán comunicados por SMS e os positivos contactando directamente vía telefónica con cada persoa
A Área Sanitaria de Pontevedra e O Salnés continúa en vindeiras datas no Concello de Moraña con novos cribados poboacionais con PCR, cara a detectar o maior número posible de portadores asintomáticos, o que permitirá reducir a cifra de contaxios de COVID 19 nesta localidade.
Este cribado voluntario terá lugar no pabellón municipal de de Moraña durante a mañá do vindeiro domingo 30 de maio para 409 morañeses dentre 30 e 39 anos, así coma durante a mañá e a tarde do vindeiro luns 31 de maio de 2021 para 774 cidadáns dentre 50 a 65 anos desta localidade, todos eles con tarxeta sanitaria asignada no centro de saúde.
Coma ben sendo habitual, á dita iniciativa preventiva a Administración Sanitaria Pública galega convocará a estes dous colectivos poboacionais morañeses vía SMS telefónico.
Dous equipos de enfermaría en cada turno
Para levar a cabo estes novos cribados, a Área Sanitaria de Pontevedra e O Salnés contará no pabellon municipal de Moraña con dous equipos de enfermaría en cada turno, que efectuarán tarefas de control e cumprimento das medidas de seguridade, realización das tomas de mostras e información aos usuarios.
Todas as mostras tomadas con PCR no Concello de Moraña procesaránse no servizo de Microbioloxía do Complexo Hospitalario Universitario de Pontevedra e os resultados serán comunicados pola Área Sanitaria de Pontevedra e O Salnés aos usuarios por SMS, sempre que estes sexan negativos.
No caso de resultar positivos, ditas notificacións comunicaránse de xeito individual a cada cidadán.
