Constará de tres edicións os días 16 e 17 de maio, o 27, 28 e 29 de xuño e o 30 de xuño, 1 e 2 de xullo
O Concello de Ourense, a través da área de Formación Ocupacional, Desenvolvemento Local e Promoción Económica, desenvolve as actividades do Proxecto Emprende Makers: De Makers a Emprendedores, aprobado no marco do Programa Operativo Interreg V-A España-Portugal (POCTEP). Cofinanciado nun 75% polo Fondo Europeo de Desenvolvemento Rexional (FEDER)
O vindeiro luns, día 16 de maio, ás 9:00h dará comenzo a primeira das tres edicións dos Maker Camps, que se celebrará na aula de estudio da sala principal da Escola de Informática (Campus de Ourense). Á inauguración desta primeira edición, acudirá o concelleiro delegado de Promoción Económica do Concello de Ourense, Armando Ojea, e o director da Escola Superior de Informática.
No “MakerCamp” os participantes, rapaces e rapazas de entre 8 e 11 anos, levarán a cabo actividades baseadas na experimentación e no descubrimento, relacionadas co mundo “Maker” e as novas tecnoloxías: construirán, programarán e controlarán robots pensados para o ámbito educativo, deseñarán e imprimirán as súas primeiras creacións en 3D, e mergullaranse en mundos de realidade virtual con breves experiencias inmersivas e aprenderán a programar os seus primeiros videoxogos con linguaxes básicos visuais. As actividades contan coa asistencia permanente de monitores especializados con anos de experiencias neste tipo de iniciativas ocio-educativas.
