Esta aproximación á realidade social e máis concretamente á do rural, ven enmarcada dentro da nosa dinámica política, entendendo que se precisa acercamento ás veciñas e veciños para a toma de decisións.
Mañá, martes 31 de maio, a vila limiá recibirá a visita da líder do Bloque Nacionalista Galego, Ana Pontón.
O presente encontro forma parte da súa campaña en aberto para con as veciñas e os veciño
de Galiza, levada a cabo pola nosa organización dende hai varios anos. Perséguese un contacto e un diálogo directo, estreito e real, en beneficio de todas as cidadás e cidadáns.
A xuntanza terá lugar na Praza de Xoán XXIII ás 20:30 horas (se as condicións climatolóxicas son adversas celebraríase no Auditorio da Casa da Cultura).
Trataranse temas políticos, sociais, económicos ou calquera outra temática considerada como relevante por calquera dos participantes no acto de carácter informal.
Esta xuntanza na nosa vila rematará unha xornada na que Ana Pontón estará pola mañá en
Allariz e pola tarde en Lodoselo, visitando as instalacións do CDR “O Viso” e informándose sobre as actividades e servizos que ofrecen á cativada e a poboación en xeral.
Esta aproximación á realidade social e máis concretamente á do rural, ven enmarcada dentro da nosa dinámica política, entendendo que se precisa acercamento ás veciñas e veciños para a toma de decisións.
